منتدى هاى حواء
منتدى هاى حواء يرحب بك زائرنا الكريم ونتشرف بدعوتك لكى تكون عضو مسجل معنا مع تحياتك زائرنا

منتدى هاى حواء

مرحبا بكم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقتي في مسك الميزانية +طرق عملية للتوفير

اذهب الى الأسفل 
كاتب الموضوعرسالة
شمس

avatar

عدد المساهمات : 82
تاريخ التسجيل : 09/11/2010

مُساهمةموضوع: طريقتي في مسك الميزانية +طرق عملية للتوفير   الخميس سبتمبر 15, 2011 9:05 am

السلام
عليكم بحبكم في الله وقلت لازم افيدكم بطريقتي في مسك مصروف البيت والتحويش
كمان وخير الناس انفعهم للناس بس اولا في قواعد عريضة لازم نتفق عليها قبل
ماكتب التفاصيل:

1-قال رسول الله صلى الله
عليه وسلم (ماعال من اقتصد) يعني اللي هيقتصد ومش هيسرف ربنا ضمن له عدم
الفقر والوقوع في الحاجة وقال ايضا ( لا عقل كالتدبير) يعني احسن حاجة تدل
على العقل والحكمة هي تدبير وتظبيط الانسان امور حياته وخاصة المادية

2-احنا
هنظبط بنود المصاريف حسب المرتب او الدخل الشهري بتاعنا وليس العكس يعني
مش همسك ورقة واكتب كل اللي نفسي فيه يبقى مش هنخلص ومش هيكفيني 5000 جنيه
في الشهر لكن على قد لحافك مد رجليك

3-الالتزام
ثم الالتزام بالميزانية واللي هتكتبيه...... يعني ماتدخليش بند على بند أو
عينك تزوغ على حاجة غالية وتشتريها وتخربي الميزانية

4-
ده مجرد مثال بس واقعي لميزانية بيت متوسط دخله 1500ون من زوج وزوجة وطفل
في الحضانة وكل واحدة تقلل او تنقص حسب ظروفها مع العلم ان ال1500هيتصرفوا
كلهم في البيت طبعا زي ما هنشوف

نخش في المفيد علطوووووووووووووووووووووووول هاتي ورقة وقلم وكتبي ورايا ا
اولا بنود الميزانية او الاقسام الرئيسية ليها:
1-مصروف بيت ويشمل (بقالة - لحمة وفراخ وسمك -عيش-لبن واجبان -خضار وفاكهة )
2-فواتير (غاز-ماء -كهرباء-تليفون -نت )
3-مصروف جيب (للزوج والزوجة والاطفال ) وتشمل المواصلات او بنزين العربية
4-بند التوفير ويشمل ( جمعية او قسط او ديون او تحويش )
5-مبلغ للطوارئ ( دواء او دكتور لاقدر الله - عزومة او مجاملة حد ولد حد اتجوز......... الخ )
6-اشتراك شهري (حضانة -نادي ا- ايجار شقة ..........الخ )
واللي
عندها بنود تانية تضيفها بس دي البنود الرئيسية نييجي للتفاصيل لو جينا
نبص هنلاقي اكتر بند بيصرف هو مصروف البيت وفي نفس الوقت هو اكتر بند ممكن
تقتصدي فيه وتوفري منه

البقالة
خزين
البيت انا باجيبه مرة واحدة اول الشهر واخلص والنصيحة العملي ة هنا انك
تجيبي (لرز والعدس والفول المكرونات بانواعها والبقسماط والدقيق واللوبيا
والملوخية الناشفة والفول الصويا ........ )سااااااااااااااايب من اي عطار
هتوفري جاااااامد ومن نفس ماركات المعلب والمكرونات ي منها اشكال قواقع
وفيونكات وحلزون وتحفة ومابتعجنش والكيلو ب 3و ربع

السكر
والملح والخل والزيت والسمن والزبد والبيض والحلاوة واللنشون والكاتشاب
والمربى والمناديل والتايد والصابون ...............حاولي تجبيهم من اى
سوبرماركت او محل يكون جملة وياسلام لو عامل عروض عشان التوفير

يعني دلوقت قبل ماتقبضي اصلا انت تكتبي المبلغ قدام كل بند ولازم تلتزمي باللي انتي كاتباه وتاخدي عهد على نفسك طول الشهر بالالتزام
بالنسبة
للخضار والفاكهة واللبن والجبنة والعيش دول هتجبيهم اسبوعيا ومثلا انابجيب
اللبن السايب الفلاحي من مكان مضمون ب3ونص وكمان بعمل الزبادي في البيت
يعني بنستهلك 4 كيلو اسبوعيا

وبالنسبة
للحمة لو عايزة توفري انابجيب 2كيلو مفروم واحط عليهم نصكيلو صويامطحون
ومتبل جاهز من العطار ونص كيلو مية وبصل وتوابل بيكون عندك 3 كيلو لحم قسمي
نصهم للكفتة والباقي للمكرونة باشميل اوالجلاش اوالمسقعة

وبالنسبة للفراخ البانية بتفرط والكيلو ب30جنية بيأكل 6 مرات وفيه كمان مفروم فراخ تحفة الكيلو ب9ونص
والسمك
ممكن تجيبي اللنواع الرخيصة زي الروسى (الماكريل ) الكيلو ب10 جنيه بيكفي
مرتين او البلطي الوسط الكيلو بردة ب10جنيه يعني الشكل النهائي للميزانية

بقالة
350 2 لحم54(مفروم )من منفذ بيع القوات المسلحةفراخ (مفروم10-بانية 30 1
صدور 1 اوراك 30) سمك(4كيلو)40 عيش 20 انا مشتركة في مشروع العيش البلدي
لبن56 جبن 1 بيضا 20+نص رومي 16 + 6 نستو الاصيلة 11ونص وخضار وفاكهة متوسط
30 اسبوعيا الجمالي قولي 760


فواتير غاز بالقسط35 كهرب 40 نت 25 ماء 10(بيجي كل شهرين 20 مثلا ) تليفون 40يجي كل 3 شهور 120 مثلا ) الاجمالي 160
مصروف جيب الزوجة 50 الزوج 150 الطفل 50( تشمل لعبة كل شهر +حلوياته ومصاصاته طبعا )
جمعيات 200
طوارئ 100 (ولو مجاش طوارئ لبقوا اتفسحوا بيهم )
توتال1470
واكيد الباقي 30 جنيه طلعيهم لله صدقات عشان ربنا يباركلك
ايه
رأيكو يا شاطرين اكلنا وشبعنا وحوشنا واتصدقنا واتبسطنا وكله نمام وصدق
رسول الله (ماعال من اقتصد ) احبكم في الله ولا تحرموني من دعائكم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طريقتي في مسك الميزانية +طرق عملية للتوفير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى هاى حواء :: منتدى الصحه والجمال-
انتقل الى: