شهد
عدد المساهمات : 51
تاريخ التسجيل : 10/09/2011
 | موضوع: حواوشى مصرى  السبت سبتمبر 10, 2011 9:05 am | |
| فيه اتنين حواوشى واحد بالسجق والثانى بالحمه
النهارده انا هاقول لكم على حواوشى الحمه
أولا العجينه
نص كيلو دقيق
نص كوب زيت(بس بلاش زيت الزيتون لانه بيتحرق)
واحد كوب زبادى وممكن لبن
نص ملعقه صغيره ملح ونص ملعقه صغيره سكر
ملعقه خميره
ملعقه بيكنج بودر (كبيره)
كوب الاربع ماء
وتعجن المكونات
ملحوظه
لازم تكون لابسه يعنى مش طريه اوى
وترك حتى تخمر نيجى للحشوه
ربع كيلو لحمه مفرومه
2 بصله مفرومه اوحسب رغبتك انا عن نفسى بحب كمية الحمه زيها بصل
2 طماطم قطع صغيره
كوب بقدونس وكسبره مفرومه
ملح وفلفل ولوحبيبتى تحطى قرفه ناعمه حسب رغبتك وحطى كمون ناعم لانه مفيد جدا للمعده
ليه ضانى لوحبيتى وحسب الكميه بس هى بتدى نكهه حلوه
2 ملعقه زيت الى تحبيه
2 فص توم
يستحسن انك تصفى الحمه فى مصفه
وتاتى بالعجينه وتقطع دوائر حسب الحجم الى انت عاوزاه
تفرد العجينه على شكل دوائر وتفرد الحشوه عليها
وتغطى بقطعه اخرى من العجينه وتقفل العجينه من الجوانب
وادهنى وجهها بالماء بفرشاة الطعام وتوضع فى الفرن على درجه حراره متوسطه
وترص فى صينيه وتوضع على الرف الاوسط لمدة 10 دقائق
واقلبيها على الوجه الثانى وتابعيها حتى تحمر من جانبيها ولا تتركيها تحترق
وبالهنا والشفا يا قمرات
وياريت الردود يا قمرات وانتظروا حواوشى السجق
بنات
انا بحب الحشوه تستوى فى الاول بس بصراحه مش بتبقى حلوه اوى زى ماتستوى مع
بعض أوعى تنسى تدهنى الصينيه بزيت خفيف اوى بالله عليكو تجربوها وتردوا
عليه وادعوا لى بزيارة الكعبه ان شاء | |
|
