لا الحوض يتسد ولا الزبالة تتبل وكمان بالصور

عدد المساهمات : 45 تاريخ التسجيل : 19/12/2010

السلام عليكم ورحمة الله وبركاته
انا النهاردة جايبة لكم اخر افكارى
هى طريقة جميلة اوى علشان لا الحوض يتسد ولا الزبالة تتبل
هشرح لكم الفكرة بالصور خطوة خطوة
اول حاجة تجيبى اى علبة بلاستيك عندك تكونى مش عايزاها بس تكون كبيرة شوية
انا مثلا استعملت علبة مربى بلاستيك من الكبيرة

وبعد كده تجيبى مفك رفيع او مسمار

وتسخنى المفك الرفيع ده على النار وتبدأى تخرمى العلبة من تحت ومن الجمب
خروم صغيرة علشان لو فى بواقى رز ما تطلعش من الخروم دى
ودى شكلها من جوه فى النور علشان تشوفوا الخروم

وده شكلها من بره من تحت

ودى شكل العلبة بعد ما خرمتها من تحت ومن على الجمب
انا خرمتها من الجمب مسافة صغيرة يعنى مش كل العلبة

وبعد كده تحطيها فى الحوض كده وتغسلى المواعين والاطباق عادى
وتفضى فيها بواقى الاكل من الاطباق وانتى بتغسليها

وده شكل العلبة وهى فى الحوض عن قرب

وبعد ما تخلصى غسيل الاطباق والمواعين تعلقيها كده فى الحنفية
علشان تصفى المية منها ويتبقى فى العلبة بواقى الاكل والفضلات بس

وده شكل العلبة بعد ما المية اتصفت منها خالص
بعد كده تاخدى العلبة وتفضى اللى فيها فى الزبالة

وبكده تبقى حافظتى على الحوض من انه يتسد كل شوية
وكمان حافظنا على السلة من انها تشر ميه وتبهدل الدنيا لما نيجى نرميها

منقول

» عمل سجاده صغيره,بالصور
» غرز للتطريز.غ تطريز بالخيط.تعليم التطريز بالصور
» برياني هندي بالزبادي وسلطه زبادي بالخيار والنعناع بالصور